UNICEF dhuron veturë për QKMF-në e Podujevës

Fondi i Emergjencës i Kombeve të Bashkuara për Fëmijët(UNICEF) sot i ka dhuruar një veturë Qendrës Kryesore të Mjekësisë Familjare në Podujevë.

Kjo veturë do t’i shtohet logjistikës së shërbimeve shëndetësore për qytetarët e Podujevës dhe është destinuar për ekipet e vizitave shtëpiake të grave shtatëzana dhe fëmijëve 0-3 vjeç.

Pranimin e këtij donacioni në emër të Komunës së Podujevës dhe institucioneve shëndetësore e kanë bëre drejtoresha e Shëndetësisë dhe Mirëqenies Sociale, Adelina Stublla, ud drejtori i QKMF-së Bajram Bajgora dhe menaxhmenti i kësaj qendre.

Drejtoresha Stublla ka falënderuar përzemërsisht organizatën UNICEF për këtë donacion shumë të vlefshëm, i cili do të përdoret nga stafi mjekësor për t’ju ofruar shërbime qytetarëve llapjanë.