“S’ki drejt me fol”, “Është për keqardhje”, tensione në Kuvend

Deputetja e PDK-së, Ganimete Musliu është ngritur te foltorja e Kuvendit të Kosovës, ku fjalën e mori ministri i Financave, Hekuran Murati.

Sipas saj, Murati nuk kishte të drejtë të fliste për shkak se po shkelte rregulloren.

Kësisoj, ajo iu ofrua Muratit dhe ia largoi mikrofonin.

“T’i s’ki drejt me fol, je jashtë rregullores”, i tha Musliu, ndërsa ia ndërpreu fjalën Muratit.

Më pas, Murati tha se kjo është për keqardhje çfarë po ndodh.

“Kërkoj ndjesë në emër të këtyre deputetëve që po e prishin seancën. Është për keqardhje, prapë do të mundohem të jap sqarime”, tha Murati para deputetëve.

Për këtë ngjarje ndërhyri dhe reagoi kryekuvendari Glauk Konjufca.

Ai e urdhëroi Muratin që të ulet në vendin e tij pasi nuk ai nuk kishte të drejtë të fliste sipas rregullores së re të Kuvendit.

“Ulu zotëri Murati se me rregulloren e re, ashtu qenka”, tha Konjufca, teksa më pas fjalën e mori ministrja e Ekonomisë, Artane Rizvanolli.