Tërmet i fuqishëm godet Turqinë dhe Sirinë

Një tërmet me magnitudë 6.4 ka goditur kufirin Turqi-Siri dy javë pas një tërmeti masiv në rajon që la më shumë se 40,000 njerëz të vdekur, tha Shërbimi Gjeologjik i SHBA-së.

Tërmeti ka goditur provincën Hatay të Turqisë, e cila u shkatërrua nga dy tërmete masive në fillim të këtij muaji, shkruan Skynews, transmeton Klankosova.tv.

Shërbimi Gjeologjik i SHBA (USGS) ka thënë se tërmeti ka goditur në një thellësi prej 10 km (6.2 milje).

Dy dëshmitarë të Reuters raportuan për një tërmet të fortë dhe dëmtime të mëtejshme në ndërtesa në Antakya, kryeqyteti i provincës Hatay.

Tërmetet në fillim të këtij muaji shkaktuan dhjetëra mijëra të vdekur dhe shkatërruan ndërtesa dhe infrastrukturë.