Gruaja që mbeti e lënduar në aksident është shtatzënë, ndodhet në gjendje të rëndë

Nga aksidenti tragjik rrugor në hyrje të Shtimes ku humbën jetën katër persona kanë arritur të mbijetojnë dy persona të tjerë.

Drejtori i Spitalit të Ferizajt, bëri të ditur se një grua shtatzënë dhe burri i saj janë dërguar në QKUK për trajtim të mëtutjeshëm.

Mësohet se të dy janë në gjendje të rëndë si pasojë e plagëve të shkaktuara nga aksidenti.

Drejtori i Spitalit, tha se gruaja ka fraktura në këmbë si dhe krahun e thyer.

Po ashtu ai bëri të ditur se një nga viktimat e aksidentit ka ndërruar jetë derisa po transportohej për në spital.

Burime nga Emergjenca kanë bërë me dije për Sinjalin se çifti janë nga fshati Begrancë i Kaçanikut.

Ekipe të Emergjencave janë në vendin e ngjarjes ndërsa Njësia e Hetimeve të Komunikacionit Rrugor ka nisur hetimet.

Ndërkohë janë publikuar edhe pamje nga vendi i ngjarjes.