Dalin në shitje biletat për ndeshjen Izrael – Kosovë, ky është çmimi

Kombëtarja e Kosovës do ta zhvillojë ndeshjen e parë kualifikuese për Evropianin 2024 në Izrael më 25 mars nga ora 20:45, shkruan lajmi.net.

Federata Izraelite e Futbollit ka publikuar edhe çmimet e biletave për ata që duan të jenë në shkallët e stadiumit.

Çmimi i biletave fillon nga më e lira 14 euro (55 shekel) deri në më të shtrenjtën 195 euro (755 shekel).

Ndeshja me Izraelin nuk do të jetë e fundit për “Dardanët” në muajin mars. Ata tri ditë më vonë do të përballen me Andorrën në stadiumin “Fadil Vokrri” në Prishtinë.

Përveç Izraelit, Kosova në Grupin I do të përballet edhe me Zvicrën, Rumaninë, Bjellorusinë dhe Andorrën./Lajmi.net/