Flet nëna e dy djemve që u raportuan të humbur: I gjetëm shëndosh e mirë

Dy fëmijë të moshës 10 vjeçare, Diar dhe Deni Kelmendi, nxënës të shkollës “Vaso Pashë Shkodrani” nga Peja janë gjetur shëndosh e mirë, pasi më herët u raportua se kanë humbur.

Nëna e tyre, Ardina Kelmendi ka thënë për IndeksOnline se pas përfundimit të mësimit dhe daljes nga shkolla nuk ishin kthyer në shtëpi.

Poashtu ajo ka thënë se kemi qenë shumë të shqetësuar, mirëpo tani jemi shumë më mirë.

“I gjetëm mirë janë me shëndet, kemi qenë të shqetësuar jashtëzakonisht shumë. Por, pasi erdhën shëndosh e mirë, edhe ne jemi qetësu. Faleminderit prej Zotit”, ka thënë ajo.