“Ti je Millosheviq”, Haxhiu pretendon se Kurti dhe Vuçiq u fjalosën në Bruksel

Gazetari Baton Haxhiu ka folur për takimin e parë që e ka pasur kryeministri i Kosovës, Albin Kurti dhe presidenti serb, Aleksandër Vuçiq, ku sipas tij nuk ka qenë takim dialogues, por që të dy e kanë fyer njëri-tjetrin.

Haxhiu pretendon se ishte i pari Kurti që i tha Vuçiqit se “ti je djali I Millosheviqit’, ndërsa Vuçiq sipas tij ia ka kthyer në gjuhën serbo-kroate “Čuti bre budalo, kako bi te ošamario (mshele gojën bre budall, do ta kisha fut një shuplakë)”.

“E kam lexuar draftin e takimit të parë në Bruksel. Kurti dhe Vuçiq nuk kanë dialoguar në dy takimet e4 para, kanë fyer njëri -tjetrin. I pari Kurti i ka thënë se ‘ti je djali i Millosheviqit’, ‘Je Millosheviq’, ‘ke vrarë kaq’, pastaj vjen kjo e Vuciqit, i lutet që të flet në serbo=-kroatisht dhe i thotë: Čuti bre budalo, kako bi te ošamario (mshele gojën bre budall, si ta kisha fut një shuplak). Ky ka qenë takimi i parë, ka qenë ofendues deri në atë pikë sa takimet e fundit kanë qenë korrekte, miqësore”, tha ai në Pressing.

Tutje, Haxhiu thotë se Kurti në takimet e para ka shkuar me një bagazh të rëndë opozitar, prandaj takimi i parë ka qenë krejtësisht ofendues.