Musliu për Kurtin: Nuk e dua një kryeministër rrugaç për shtetin tim

Deputetja e Kuvendit të Republikës së Kosovës nga radhët e Partisë Demokratike të Kosovës, Ganimete Musliu, ka vazhduar kritikat e saj kundrejt kryeministrit të vendit, Albin Kurti, raporton Gazeta Sinjali.

Musliu ka rikujtuar kohën kur Kurti ishte në opozitë, duke thënë se i ka plagosur pjesëtarët e Policisë së Kosovës, ka rrahur ambasadoren amerikane, teksa ka thënë se me të tilla sjellje, nuk e do kryeministër të vendit.“Ta krahasojmë një njeri që plagos policinë, djeg institucionet, që e rreh ambasadoren amerikane, e grushton, me Albinin sot si kryeministër i cili ka harruar që i ka akuzuar më herët kryeministrat se pse kanë vendosur kravata, pse kanë shëtitur me xhipa, pse kanë pasur truproje të gjitha këto elemente kanë pjesë e protokollit, unë nuk dua që Albin Kurtin ta kem kryeministër me ato sjellje që i ka pasur si opozitar, se unë nuk e dua një kryeministër rrugaç për shtetin tim”, është shprehur Musliu në Klan Kosova.