Kosovari që e dorëzoi në polici kuletën me dy mijë euro, është punëtor ndërtimi

Qytetari Valon Ramadani nga Gjilani, ka gjetur sot në orët e hershme të mëngjesit, një portofol të mbushur me para.

Ai menjëherë portofolin e gjetur ua ka dorëzuar zyrtarëve policor të cilët ishin në detyrë në rrugën “Tringë Ismajli” në Prishtinë.

Në portofol kishte mijëra euro dhe dokumente personale.

Paparaci, mëson se Valon Ramadani është punëtor krahu, e që portofolin me para e ka gjetur në mëngjesin e së premtes duke shkuar në punë.

Portofoli me para është i një pronari të një lokali.

Policia e Kosovës e ka çmuar këtë gjest human dhe ka falënderuar të gjithë qytetarët për bashkëpunim e vazhdueshëm.