Përmbytje në Turqi, pesë të vdekur dhe disa të zhdukur (VIDEO)
Të paktën pesë persona kanë humbur jetën dhe disa të tjerë raportohen të zhdukur si pasojë e reshjeve të mëdha të shiut kanë goditur rajonin juglindor të Turqisë mbrëmë, transmeton Gazeta Sinjali.
Sipas Daily Sabah, guvernatori Numan Hatipoglu, tha se ekipet e kërkimit ishin dërguar në vendngjarje.
Shiu i dendur përmbyti gjithashtu njësinë e kujdesit intensiv në Spitalin e Trajnimit dhe Kërkimit Şanlıurfa Eyyübiye ndërsa pacientët thuhet se janë transferuar në një spital tjetër.
Përveç kësaj, të paktën gjashtë persona janë raportuar të bllokuar nga përmbytjet pranë kryqëzimit Abide Köprülü në Şanlıurfa.
Një person i cili është nxjerrë nga uji me mbështetjen e zjarrfikësve është transportuar në spital me autoambulancë.
Shkollat në Şanliurfa u anuluan të mërkurën për shkak të reshjeve të shiut, i cili pritet të vazhdojë në të gjithë qytetin.
Shërbimi Meteorologjik Shtetëror Turk (TSMS) publikoi raportin e tij të parashikimit të motit për 14-20 mars, duke lëshuar një paralajmërim me kod portokalli për rajonin juglindor, i cili së fundmi u shkatërrua nga një palë tërmete të fuqishme.
Provincat Adıyaman, Diyarbakır, Elaziğ, Malatya, Kahramanmaraş, Mardin, Sivas, Şanlıurfa, ve Kilis ishin ndër zonat e shënuara me ngjyrë portokalli për një shi të mundshëm ekstrem.
