Sonte ndeshja më e madhe e futbollit në botë

Sonte zhvillohet ndeshja më interesante e futbollit, Klasikja në mes Barcelonës dhe Reali Madridit.

Ndeshja do të luhet në ‘Spotify Camp Nou’ me fillim nga ora 21:00 dhe do të transmetohet live në Kujtesa Sport 1 dhe Super Sport 2 Albania.

Dy ndeshjet e fundit i ka fituar skuadra e Barcelonës, njërën në Kupën e Spanjës me rezultat 3-1 dhe në Kupën e Mbretit me rezultat 0-1.

Barcelona aktualisht është në vendin e parë në La Liga me 65 pikë, 9 pikë më shumë se vendi i dytë i Spanjës që është Reali.

Këtë ndeshje Barcelona do ta fillojë me dy mungesa të rëndësishme që janë Dembele dhe Pedri, ndërsa nga ana tjetër Reali do ta ketë ekipin e kompletuar.

Dueli më interesant do të jetë ai në mes Araujos dhe Viniciusit, duel të cilin në ndeshje e kaluara e kishte fituar mbrojtësi i Barcelonës.

Para kësaj ndeshje kanë folë edhe dy trajnerët e skuadrave, Xavi dhe Ancelotti. Ata kanë thënë që skuadrat e tyre janë në një gjendje të mirë fizike dhe do të jetë një përballje shumë interesante.

Spektaklin sonte mund ta ndiqni nga ora 21:00 live në të gjitha platformat kosovare përmes Kujtesa Sport 1 dhe Super Sport Albania 2.