Dy persona të arrestuar për vrasje

Ky lajm është bërë publik nga Policia e Kosovës.

Më poshtë njoftimi i plotë i publikuar nga Policia e Kosovës gjatë ditës së djeshme:

INFORMACION SHTESË

Shqiptohet masë e ndalimit për dy persona të dyshuar për vrasje

Pas ekzaminimit të vendit të ngjarjes dhe përfundimit të veprimeve fillestare hetimore, është ngritur dyshimi i bazuar, se personat e dyshuar për rastin e vrasjes, janë dy personat të cilët pasi ka ndodhë ngjarja janë dërguar për trajtim në QKUK.

Për të dy personat e dyshuar me vendim të prokurorit të shtetit është shqiptuar masa e ndalimit për 48 orë.
Njëri nga personat e lënduar pas trajtimit të nevojshëm mjekësor dhe intervistimit nga ana e policisë është dërguar në qendër të mbajtjes.

Ndërsa i dyshuari tjetër (po ashtu nën masën e ndalimit), po vazhdon të trajtohet në QKUK.
Policia ka gjetë dhe sekuestruar, një armë zjarri dhe një thikë, të cilat dyshohen të jenë përdorur në rastin e sipërshënuar.
_____________________________

Vritet një person në Prishtinë

Sot rreth orës 13:20 policia ka marrë informatën për të shtëna me armë zjarri, në rrugën “Ahmet Krasniqi” në Prishtinë.

Menjëherë në vendin e ngjarjes kanë dalë njësitet e nevojshme policore dhe ekipi mjekësor.

Bazuar në të dhënat fillestare nga arma e zjarrit lëndime ka pësuar një person, i cili në vendngjarje ka ndërruar jetë, vdekjen e tij e ka konstatuar ekipi mjekësor.

Ndërsa dy persona të tjerë të lënduar(dyshohet me mjet të mprehtë) janë dërguar për tretman mjekësor.

Aktualisht hetuesit policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë ngjarje.