Gjendet pa shenja jete një grua
Një ngjarje e rëndë ka ndodhur dje në Gjakovë, ku një grua është gjetur pa shenja jete në shtëpinë e saj në rrugën ‘Bajram Curri’, raporton Gazeta Sinjali.
Burimet e Gazetës Sinjali brenda Emergjencës kanë bërë me dije se kanë pranuar thirrje për ndihmë, pasi 67-vjeçarja ishte gjetur pa ndjenja dhe dyshohej se ishte në rrezik për jetën.
Ekipi mjekësor i Emergjencës ka dalë menjëherë në vendin e ngjarjes, ku pas ekzaminimeve për shenjat vitale, mjeku ka konstatuar që viktima ka ndërruar jetë.
Ndërkohë lidhur me rastin është njoftuar edhe Policia e Kosovës, të cilët në kuadër të veprimeve hetimore kanë marrë deklaratat e familjarëve, sipas të cilëve, e ndjera nuk ka pasur shenja dhune.
Me urdhër të prokurorit, rasti është cilësuar ‘Hetim i vdekjes’ dhe trupi i pajetë i viktimës është dërguar në Institutin e Mjekësisë Ligjore për obduksion.
