Përfitimet shëndetësore që vijnë nga agjërimi

Që nga 23 marsi myslimanët në mbarë botën do të fillojnë muajin e shenjtë të Ramazanit.

Përgjatë 30 ditëve ata do të agjërojnë, që nënkupton se ata mund të hanë vetëm dy vakte në ditë, një para lindjes së diellit (syfyr) dhe tjetra pas perëndimit të diellit (iftar).

Agjërimi gjithashtu vjen me disa përfitime shëndetësore, duke filluar nga përmirësimi i imunitetit deri tek funksionimi i trurit.

Agjërimi përmirëson nivelin e yndyrës në gjak

Një studim i kryer në vitin 1997 ka treguar se agjërimi ul nivelet e kolesterolit të keq 8 për qind, ul nivelet e triglicerideve me 30 për qind dhe rrit kolesterolin e mire për 14.3 për qind, duke mbrojtur kështu zemrën nga sëmundjet kardiovaskulare.

Ndihmon në humbjen e peshës

Shumë studime kanë treguar se agjërimi i kontrolluar në orë të caktuar, i lejon trupit të djegë nëpër qeliza yndyrën në mënyrë më efikase se sa një dietë e rregullt.

Përshpejton metabolizmin

Agjërimi i jep sistemit tuaj të tretjes një pushim dhe kjo mund të aktivizojë metabolizmin tuaj për të djegur më shumë kalori.

Nëse tretja juaj është e dobët, kjo mund të ndikojë në aftësinë tuaj për të tretur më mirë ushqimin dhe për të djegur më mirë dhjamin.

Agjërimi mund të rregullojnë tretjen dhe të promovoje mirë-funksionimin e shëndetshëm në zorrë duke përmirësuar funksionin tuaj metabolik.

Përmirëson funksionin e trurit tuaj

Agjërimi ka treguar që përmirëson funksionin e trurit, sepse nxit prodhimin e një proteine të quajtur brain-derived neurotrophic factor (BDNF). BDNF aktivizon qelizat embrionale të trurit për t’i kthyer në neurone të reja dhe shkakton kimikate të tjera të shumta që promovojnë shëndetin nervor.

Kjo proteinë gjithashtu mbron qelizat e trurit nga ndryshimet e shoqëruara me Alzheimer dhe sëmundjen e Parkinsonit.

Përmirëson sistemin tuaj imunitar

Agjërimi përmirëson sistemin imunitar sepse redukton dëmet nga radikalet e lira, rregullon kushtet inflamatore në trup dhe parandalon formimin e qelizave kancerogjene.