Kërcet grushti mes shoferëve në trafik

Konfliktet në trafik janë goxha të shpeshta në vendin tonë dhe jo rrallëherë eskalojnë në kërcënime serioze e përleshje fizike, për çka nevojitet edhe ndërhyrja e Policisë. Në shumicën e këtyre rasteve, mollë sherri bëhen shkeljet e rregullave të komunikacionit, duke i shtyrë kështu shoferët të përfshihen në rrahje, raporton Gazeta Sinjali.

Një rast i tillë ka ndodhur dje në rrugën “Rifat Dedia” në Mitrovicë dhe këtë herë në rrahje janë përfshirë dy persona, që dyshohet se u kapën për shkak të një mosmarrëveshje momentale derisa ishin në trafik.

Përleshja dyshohet se eskaloi deri në përdorimin e mjetve të forta, ku për pasojë një person mbeti i lënduar.

I riu që pësoi lëndime trupore ka marrë trajtim mjekësor në spital, ndërkohë që Policia ka intervenuar në vendin e ngjarjes.

Sinjali mëson se Policia ka arritur ta arrestojë personi e dyshuar, i cili me pas është shoqëruar në stacion policor për intervistim, ku kanë dhënë deklaratën e tij në lidhje me rastin.

Pas përfundimit të procedurave policore, Prokurori i Shtetit ka urdhëruar që të iniciohet rasti për veprën penale “Lëndim i lëhtë trupor” dhe i dyshuari të dërgohet në mbajtje për 48 orë.