Rrahje mes të burgosurve: I dyshuari godet me konservë 30-vjeçarin

Përleshjet mes të burgosurve në qendrat korrektuese në vendin tonë nuk janë edhe aq të rralla.

Raste të tilla e incidente të tjera, siç është ikja e të dënuarve janë goxha të shpeshta, sidomos në Burgun e Dubravës, raporton Gazeta Sinjali.

Një rrahje ka ndodhur edhe dje në Qendrën Korrektuese në Dubravë, ku dy të burgosur janë përfshirë në një përleshje.

Sinjali mëson se pas një konflikti verbal të momentit, i dyshuari e ka sulmuar fizikisht viktimën duke e goditur me konservë dhe si pasojë i ka shkaktuar atij lëndime trupore.

Si pasojë e lëndimeve të marra, 30-vjeçari ka kërkuar ndihmë mjekësore, teksa palët e përfshira janë intervistuar lidhur me rastin.

Me urdhër të prokurorit, rasti është cilësuar ‘Lëndim i lehtë trupor’.