Gjest i mirë: Çdo natë pas teravive, dhurata për fëmijë

Muaji i Ramazanit jo vetëm që është muaj në të cilin besimtarët myslimanë agjërojnë, por është edhe muaj në të cilin besimtarët shtojnë veprat e mira dhe humanitare.

Vepra të mira dhe shembull për të gjitha Xhamitë po bëhen në Xhaminë e Madhe, në Kumanovë.

Në këtë Xhami, çdo natë pas teravive shpërndahen dhurata për fëmijë.

Përveç shpërndarjes së dhuratave, kjo Xhami ju ofron fëmijëve edhe një dhomë të veçantë për t’u marrë me aktivitete zbavitëse.

Këtë e ka bërë të ditur imami i kësaj Xhamie, Sadullah Bajrami, me anë të një postimi në facebook.

Kujtojmë që kjo Xhami u ndërtua në vitin 2022 dhe është njëra ndër Xhamitë më të bukura në Maqedoninë e Veriut.