PAMJE 18+: Momenti kur vdiq një këmbësor pas goditjes nga vetura (VIDEO)

Ky është momenti tragjik ku një person tentoi të kalonte rrugën në zonën e Astirit, por u godit për vdekje nga një makinë.

Sikurse mund të shihet edhe nga pamjet, viktima është munduar që të kalojë në anën tjetër të rrugës duke vrapuar, por nuk ka parë anash dhe është përplasur nga makina duke u hedhur tutje disa metra.

Ngjarja ka ndodhur rreth orës 19:20 në Unazë të Re kur një person me iniciale P.M. duke drejtuar automjetin e tij ka aksidentuar një qytetar ende të paidentifikuar.

Këmbësori ka gjetur vdekjen në vendngjarje, ndërsa hetimor po punon për identifikimin e viktimës dhe sqarimin e rrethanave te aksidentit.