Dy persona të maskuar ia grabitin çantën me para një personi
Mëngjesin e së mërkurës në Gjilan ka ndodhur një grabitje e rëndë.
Dy persona të maskuar dyshohet se kanë grabitur një person tjetër duke i marrë kështu një çantë me një shumë të konsiderueshme parash, shkruan GazetaDemos.
Policia raporton se personat e maskuar kanë përdorur sprej ndaj viktimës për ta realizuar aktin kriminal.
“Policia e Kosovës ne Gjilan sot me datën 05.04.2023 rreth orës 08:45 është informuar për një rastgrabitje i ndodhur në rrugën ,,Idriz Seferi’’ në Gjilan. Njësitet policore relevante kanë dalë në vendin e ngjarjes dhe në bazë të hetimeve preliminare dyshohet se dy persona të maskuar duke përdorur spray, kanë arritur që viktimës shtetas i Kosovës të ia grabisin një qante në cilën kishte një shumë të konsiderueshme të parave. Të dyshuarit pas grabitjes janë larguar në drejtim të panjohur”, thuhet në komunikatën e policisë.
Në lidhje me rastin është njoftuar Prokurori i Shtetit i cili rastin e ka cilësuar “Grabitje”, të dyshuarit janë vënë në kërkim nga Policia e Kosovës, ndërsa rrethanat e rastit po hetohen nga hetues policor rajonal në Gjilan./Demos/
