Formacionet zyrtare: Barcelona – Real Madrid

Barcelona e pret Real Madridin në gjysmëfinalen e dytë të Kupës së Mbretit, me ndeshjen e parë që përfundoi me fitoren minimale 1:0 të katalanasve në Santiago Bernabeu. Të dy trajnerët tashmë kanë vendosur për 11-shet që do ta fillojnë ndeshjen.

Një autogol i Eder Militaos gjatë pjesës së parë të takimit e përcaktoi rezultatin e ndeshjes së parë gjysmëfinale dhe tashmë mbretërit kërkojnë përmbysjen, ndërsa Barça do të mjaftohej edhe me një barazim për të shkuar në finale.

Osasuna do të jetë kundërshtari në finale i fituesit të sotëm, pasi mposhtën Athletic Bilbaon me rezultat të përgjithshëm 2:1 gjatë mbrëmjes së djeshme.

Si Xavi ashtu edhe Ancelotti kanë vendosur për formacionin 4-3-3, pa ndonjë befasi të madhe në formacionet startuese.

Kështu do të jetë renditja në Camp Nou sot:

Barcelona XI (4-3-3): Ter Stegen; Kounde, Araujo, Alonso, Balde; Kessie, Busquets, Sergi Roberto; Raphinha, Lewandowski, Gavi.

Real Madrid XI (4-3-3): Courtois; Carvajal, Militao, Alaba, Camavigna; Kroos, Valverde, Modric; Rodrygo, Benzema dhe Vinicius Jr.