Podujeva me vendim ndalon funksionimin e semaforëve, e kërkuan qytetarët (VIDEO)

Dhjetorin e vitit 2019 llapjanët festuan sinjalizimin e rrugëve të tyre me semafor.

Gëzimin, shakatë dhe sigurinë që menduan se ua sollën semaforët nuk u zgjati shumë.

Kjo pasi që në Podujevë ndërroi pushteti, e bashkë me të edhe semaforët e vendosur nga ish-kryetari Agim Veliu, pushuan se funksionuari.

Edhe pse në gjendje të rregullt, këta semaforë që një kohë të gjatë janë jashtë funksionit.

Arsyeja e ndalimit të tyre është e çuditshme, pse duket se llapjanët nuk ia dolën të mësoheshin me ta, në vend që ata të lehtësonin qarkullimin, duket se e bënë të kundërtën, duke krijuar tollovi në qytet.

Drejtori i Shërbimeve Publike, Mbrojtje dhe Shpëtim në Podujevë, Bahri Selimi, ka thënë për Kiksin se pavarësisht që vendi i vendosjes se tyre ishte i duhuri, kohëmatësi i semaforëve ishte gabim.