Sekuestrohen 5 kg marihuanë, arrestohen dy persona

Policia e Kosovës ka sekuestruar sonte disa kilogramë substancë narkotike të llojit marihuanë, si dhe janë arrestuar dy persona të dyshuar për shitblerje të drogës.

Të dyshuarit janë kapur në rrugën Ponoshec – Gjakovë, raporton Gazeta Sinjali.

Gjatë kontrollit në veturën e tyre janë gjetur rreth 5 kg substancë që dyshohet të jetë marihuanë, e ndarë në disa paketime.

Policia ka njoftuar se dy të arrestuarit janë shtetas të Shqipërisë, teksa janë publikuar edhe pamje të drogës së sekuestruar.