Shkoi të falet në xhami, gruas në Prishtinë dikush ia vjedh çantën me para
Rastet e vjedhjeve po vazhdojnë të rriten, ndërkohë që siguria për të lëvizur edhe në hapësirat publike po rrezikohet.
Ndër rastet e shpeshta të vjedhjeve janë gjësendet me vlerë, si stolitë e arit, telefonat e çantat e krahut që hajnat arrijnë t’i marrin nga qytetarët nëpër rrugë e hapësira tjera, raporton Gazeta Sinjali.
Një rast i tillë ka ndodhur dje në rrugën ‘Caraleva’ në Prishtinë, saktësisht në oborrin e xhamisë së Herticëve.
Sinjali mëson se derisa një grua ishte duke u falur, dikush dyshohet se ia ka vjedhur çantën me dokumentet personale të dhe rreth 250 euro para të gatshme.
Njësitë policore kanë dalë në vendin e ngjarjes ku kanë kryer ekzaminimet e nevojshme që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Vjedhje’, ndërsa veprimet tjera ligjore do merren varësisht nga zhvillimi i hetimeve.
