Aksident trafiku, 3 të lënduar
FOTO ILUSTRUESE
Policia e Kosovës ka njoftuar se tre persona, mes tyre edhe një foshnjë, janë lënduar si pasojë e një aksidenti trafiku të ndodhur të dielën në Koshare të Ferizajt.
Policia ka njoftuar të hënën se në këtë aksident të ndodhur gjatë mbrëmjes, janë përfshirë dy vetura, raporton “Betimi për Drejtësi”.
Dy prej të lënduarve janë dërguar në Qendrën Klinike Universitare të Kosovës për trajtim, ndërsa foshnja është liruar.
“Ka ndodhur aksident trafiku në mes dy veturave. Si pasojë, lëndime trupore kanë pësuar vozitësja femër kosovare dhe dy pasagjeret e saja femra kosovare (njëra foshnje). Vozitësja dhe njëra nga pasagjeret janë dërguar në QKUK për tretman të mëtutjeshëm mjekësor, ndërsa foshnja është liruar”, thuhet në njoftim./BetimipërDrejtësi
