Shpërthen bombola e gazit në një banesë në Berat

Shtatë anëtarëve të një familje në fshatin Orizaj të Beratit, pasditen e sotme iu rrezikua jeta pasi në banesën e tyre shpërtheu një bombolë gazi.

Anëtarët e familjes së Agur Cako edhe pse ishin brenda banesës, ata shpëtuan mrekullisht.

Pas shpërthimit, familja ka dalë menjëherë jashtë banesës dhe ka njoftuar zjarrfikësit, shkruan Abcnews.al.

Fatmirësisht nga zjarri nuk ka asnjë person të lënduar, por vetëm dëme materiale.