Plagoset një 24-vjeçar shqiptar në Itali
Një 24-vjeçar shqiptar është plagosur me armë zjarri në Itali.
Rasti ka ndodhur në Genova të shtunën pas mesnate rreth orës 1:30.
Shqiptari raportohet se kishte debatuar me një italian, 59-vjeçar.
Italiani kishte shkuar në shtëpi dhe e kishte marrë armën të cilën nuk dihej nëse e kishte me leje.
59-vjeçar kishte shtënë tri herë në drejtim të 24-vjeçarit shqiptar, shkruajnë mediat italiane.
I dyshuari u largua nga vendi i ngjarjes, por pas pak kohësh u arrestua nga policia.
I riu shqiptar u dërgua në spital dhe raportohet se është jashtë rrezikut për jetën.
Siç raportohet deri tek incidenti kishte ardhur pasi i dyshuari dhe viktima kishin pasur një debat të fortë për motive të dobëta.
