Momenti kur 20-vjeçari shqiptar goditet për vdekje me thikë (VIDEO)

Janë publikuar pamjet e reja të ngjarjes së ndodhur në orët e para të mëngjesit të ditës së martë në Tiranë, ku fatkeqësisht, i riu Stiven Toshkëzi u vra me thikë nga dy të rinj. Euronews ka publikuar pamjet nga kamerat e sigurisë dhe shihet se dy autorët ishin duke ecur në këmbë, kur Stiven Toshkëzi vjen me makinë, bashkë me një mikun e tij dhe ndalon para këmbëve të tyre.

Aksel Hoxhaj, i cili mban një kapuç në kokë, drejtohet drejt derës së shoferit dhe qëllon me thikë Toshkëzin. Nga ana tjetër Ensi Maze përplaset me grushta me shokun e viktimës. 20-vjeçari mori një goditje fatale dhe fatkeqësisht hmbi jetën në spitalin e Traumës.

Aksel Hoxhaj, autori kryesor i ngjarjes është shpallur në kërkim, ndërsa Ensi Maze është arrestuar. Maze ka deklaruar përpara oficerëve të policisë gjyqësore se shoku i tij i kishte thënë se vetëm do sqaroheshin, por situata ka agravuar.

Më tej ai ka deklaruar se motivi i konfliktit të tyre ishte një vajzë të cilën e pëlqente Aksel Hoxhaj që e kishte në të njëjtën klasë, por ajo ishte e lidhur me Stiven Toshkëzin.