Aro Muric shpenzon 36 mijë euro në alkool

Portieri i Përfaqësueses së Kosovës, Arijanet Muriq, e ka siguruar inkuadrimin në Premier League me ekipin e Burnleyt, ndërsa festa e tij ka qenë shumë e madhe.

Portieri shtatlartë i Kosovës i ka lënë një kameriereje rreth 10 mijë euro bakshish pas një nate të paharrueshme në Munich të Gjermanisë, raportojnë mediat e huaja.

Muriq ishte i rrethuar me shoqëri, ndërsa nuk i mungoi bujaria.

Chantal, 25-vjeçare, e ndau tregimin e saj për natën e kaluar me portierin e Kosovës dhe pjesën tjetër të shoqërisë së tij.

Kamerierja, që është studente e administratës së biznesit, foli për gazetën e madhe gjermane “Bild”, ndërsa përgëzoi mysafirin “shumë të këndshëm” gjatë rrëfimit.

Muriq vizitoi klubin e natës “Filmcasino” në “Qytetin e Vjetër” në Munich në fillim të muajit prill me një grup miqsh, ndërsa më pas festoi shumë.

Fatura arriti shifrën e 36 mijë eurove.

Në këtë faturë përfshiheshin 40 shishe të shampanjës “Dom Perignon” dhe 10 shampanja të tjera “Armand de Brignac”, ku pronar është Jay-Z.

Katër shishe të tjera ishin “Moet&Chandon Nectar”, shampanjë tjetër e shishe të “Chivas Regal”.

Për portierin, po ashtu thuhet se ka blerë nga një pije për secilin në këtë klub nate, që preferohet nga yjet e Bayern Munichut dhe shoqëruesit e tyre.

Më pas kishte ardhur koha për pagesën e faturës, si dhe për bakshishin që mori Chantal.

“I ftova të gjithë dhe e ndava fitimin me kolegët e mi”, tregon Chantal.

“Për sigurimin, DJ-in, stafin shërbyes dhe pastrueset. U dhashë diçka të gjithëve”, vazhdon tutje ajo.

“Ai tani është pesë muajsh”, shton ajo.

Kamerierja bëri të ditur se pavarësisht se kishte pranuar në të kaluarën bakshish me katër shifra, bakshishi i dhënë nga Muriq ishte shumë larg më i lartë dhe përtej bujarisë së tij, Chantali e përshkroi portierin si “mysafir shumë të këndshëm e mikpritës”.

“Ai krijoi atmosferë të mirë”, ka thënë Chantal.

“Bildi” ka kontaktuar portierin e Kosovës, por nuk ka marrë përgjigje.

Edhe pse nata e saktë e vizitës së lojtarit nuk është bërë e ditur, ka shanse që inkuadrimi i Burnleyt në Premier League të ketë të bëjë me festën madhështore të Muriqit.

Skuadra e trajnerit Vincent Kompany siguroi inkuadrimin direkt në Premier League me datën 7 prill pas fitores 2:1 në udhëtim te Middlesbrough, në fund të sezonit maratonik në “Championshipin” e Anglisë.

Skuadra e trajnerit belg përbëhej nga yje të rinj të futbollit, përfshirë edhe ish-portierin e Manchester Cityt, Muriqin. Ata kryesuan për kohë të gjatë dhe siguruan inkuadrimin në elitën angleze, ndërsa patën seri impresive edhe në Kupën FA.

Klubi tani është afër ta fitojë titullin dhe ta thyejë rekordin e Readingut që kishte fituar 106 pikë.

Burnley pagoi rreth 3 milionë euro për portierin e Kosovës gjatë afatit kalimtar të verës dhe u bë lojtari i tretë që u transferua te kjo skuadër, e që në të kaluarën kishte qenë në Akademinë e Manchester Cityt.

Pasi iu bashkua Cityt nga Akademia në vitin 2015, Muriq luajti në pesë ndeshje si titullar për skuadrën e Pep Guardiolës në edicionin 2018/19 në “Carabao Cup”, para se ai të huazohej te NAC Breda, Nottingham Foresti, Girona, Willem II dhe Adana Demirspori.

Pavarësisht se ka shtetësi të Zvicrës dhe Malit të Zi, Muriq vendosi ta përfaqësojë Kosovën në skenën ndërkombëtare.

Ai ka zhvilluar 28 ndeshje për Kosovën që zë pozitën e 107-të në ranglistën e FIFA-s.