Mijëra besimtarë falin namazin në sheshin e Tiranës

Mijëra besimtarë myslimanë mbushën mëngjesin e sotëm sheshin Skënberbej, ku u organizua ceremonia e faljes së namazit të Fitër Bajramit në Tiranë.

Ceremonia nisi rreth orës 06:00, ndërsa Namazi u fal në orën 06:40. Ajo nis me leximin e Kuranit, vazhdoi me një ligjeratë, faljen e namazit dhe Hytbe.

Fitër Bajrami shënon për myslimanët fundin e muajit të shenjtë të Ramazanit.