VV-ja, më e forta edhe për nga paratë (VIDEO)

Përballje zgjedhore nuk pati. Por nëse vjet, partitë kosovare do të garonin për kah paratë, Vetëvendosje do të fitonte bindshëm.

Subjekti në pushtet, më 2022 pati buxhet për gjysmë milioni euro më shumë se krejt subjektet opozitare së bashku, njofton Klan Kosova.

Në llogarinë e Vetëvendosjes ishin 2 milionë e 52 mijë euro, prej të cilave 1.9 milionë të hyra nga buxheti, që shihet në raportin të paaudituar financiar që e publikoi Komisioni Qëndror i Zgjedhjeve.