Qytetari gjen kuletën me para dhe e dorëzon në polici

Një person ka gjetur një kuletë me para në sheshin e Vushtrrisë.

Ai e ka dorëzuar menjëherë atë në stacionin policor të kësaj komune.

Lajmin e kanë bërë të ditur nga Policia e Kosovës, me anë të një postimi.

Më poshtë postimi:

Komunikatë për media

I N F O R M A C I O N

Vushtrri, 28 Prill 2023

Me datë 27.04.2023, rreth orës 18:00 në Stacionin Policor Vushtrri është paraqitur një qytetar i cili ka njoftuar policinë se kishte gjetur një kuletë (çantë e vogël) në sheshin ,,Hasan Prishtina” në Vushtrri.

Në prezencën e qytetarit, policia ka hapur kuletën dhe ka konstatuar se në atë kuletë kishte një sasi e të hollave mirëpo nuk kishte asnjë dokumentacion të asnjë personi.

Me gjithë përpjekjen e policisë për identifikimin e pronarit të kuletës në lokacionin ku ishte gjetur ajo, deri në këto momente nuk është arritur një gjë e tillë andaj policia lëshon këtë informacion që pronari i cili ka humbur kuletën të lajmërohet në Stacionin Policor Vushtrri apo të kontaktoj Policinë në numrin 192.