Gjendet një person pa shenja jete
Një person është gjetur pa shenja jete të mërkurën në rrugën “Asllan Pushka” në Pejë.
Rasti është bërë i ditur nga zëdhënësi i policisë rajonale në Pejë, Fadil Gashi.
“Dje rreth orës 10:30 policia është njoftuar se në rrugën “Asllan Pushka” në Pejë, dyshohet për një person pa shenja jete.
Në vendngjarje kanë dalë policia dhe emergjenca, mjeku e ka konstatuar vdekjen e viktimës”, tha ai.
Rasti në polici është hapur si “Hetim i vdekjes”.
Me urdhër të prokurorit, trupi i pajetë i viktimës është dërguar për obduksion në IML.
