Bulliqi: I papritur e shumë i dhimbshëm lajmi për vdekjen e Fadil Mulliqit

Për vdekjen e ish luftëtarit të UÇK-së, Fadil Mulliqit, ka reaguar edhe kryetari i Podujevës, Shpejtim Bulliqi.

Ai ka shprehur ngushëllimin për familjen dhe shokët e të ndjerit.

Më poshtë postimi:

I papritur e fort i dhimbshëm lajmi për ndarjen nga jeta të komandantit të njësisë speciale në Zonën Operative të Llapit, Fadil Mulliqi.

Fadili ishte kthyer nga mërgimi për t’ju bashkuar radhëve të Ushtrisë Çlirimtare të Kosovës në luftën për lirinë e Kosovës, gjatë betejës së Kaçandollit më 1 maj 1999 ishte plagosur, ndërsa pas rikuperimit menjëherë i ishte bashkuar bashkëluftëtarëve për të vazhduar luftën për çlirimin e Kosovës.

Nga pas lufta ishte pjesë e strukrurave udhëheqëse të shoqatave të dala nga lufta, së fundmi barte pozitën si sekretar organizativ i OVL në Llap.

Ngushëllime të sinqerta familjes, farefisit dhe të gjithë miqve e bashkëluftëtarëve të Fadilit!