I la çelësat brenda dhe doli për të blerë diçka, një person ia vjedh veturën 34-vjeçarit dhe ikë
Cak i hajnave shumë herë kanë qenë dhe vazhdojnë të jenë veturat, të cilat qytetarët nuk po kanë siguri t’i lënë as në oborret e shtëpisë e garazhet e tyre. Të tilla raste janë shumë të shpeshta dhe ndodhin shpesh edhe në hapësira e parkingje publike, raporton Gazeta Sinjali.
Një rast i tillë ka ndodhur edhe dje pasdite, në rrugën “Tahir Sinani” në Shtime, ku një shofer kërkoi ndihmën e Policisë, pasi dikush ia vodhi veturën sa “hap e mbyllë sytë”.
Sinjali mëson se viktima i kishte lënë çelësat brenda veturës dhe doli për të marrë diçka në një market, por kur u kthye nuk e gjeti më automjetin aty.
Burimet nga Prokuroria thonë se rasti është denoncuar menjëherë në Polici dhe si rezultat është identifikuar personi i dyshuar, i cili doli të jetë një pacient i Entit Special në Shtime.
Sipas informacioneve të para, bëhet fjalë për B.A., i cili e ka marrë veturën dhe më pas është larguar në drejtim të panjohur.
Në lidhje me rastin, Prokurori i Shtetit ka urdhëruar të iniciohet rasti si “Marrje në posedim e pasurisë së luajtshme,” teksa veprimet tjera do të ndërmerren posa të kapet i dyshuari.
