Aksident i rëndë (FOTO)
Dy persona kanë mbetur të lënduar në një aksident që ndodhi mesditën e sotme në hyrje të Prishtinës, në Çagllavicë.
Policia e Kosovës ka bërë të ditur se në aksident është përfshirë një veturë, e cila ka goditur një pjesë të pompës së derivateve, shkruan lajmi.net.
Rastin e ka konfirmuar zëdhënësja e Policisë Rajonale të Prishtinës, Flora Ahmeti, e cila tha se dy personat janë dërguar për trajtim mjekësor.
“Sot rreth orës 11:30, në rrugën Prishtinë -Ferizaj, ka ndodhur një aksident trafiku, ku është përfshirë një veturë. Si pasojë e aksidentit dy persona kanë pësuar lëndime trupore dhe të njëjtit janë dërguar për trajtimin e nevojshëm mjekësor. Policia ka nisur një hetim për zbardhjen e shkaqeve të këtij vetaksidenti”, ka thënë Ahmeti.
