Arrestohet “ylli i Tik Tok”, Hasbulla Magomedov

Ambasadori i UFC dhe sensacioni i mediave sociale, Hasbulla Magomedov është arrestuar në vendlindjen e tij Dagestan, për shkak të shkeljeve të shumta gjatë drejtimit të automjetit.

Ai u ndalua teksa ka qenë me një grup miqsh duke festuar martesën e njërit prej tyre.

Siç raportojnë mediat, 20-vjeçari dhe miqtë e tij kanë bllokuar një rrugë kryesore për të bërë donuts.

Hasbulla në rrjetet sociale kërkoi falje për ngjarjen dhe premtoi se nuk do ta bënte më kurrë teksa konfirmoi se nuk ishte ai që drejtonte makinën.

“Kjo nuk do të ndodhë më, kërkojmë falje. Duhet të përgjigjemi për këtë. Unë nuk po i jepja makinës.”, shkroi Hasbulla në Twitter.

Ministria e Punëve të Brendshme të Dagestanit bëri një deklaratë në të cilën thuhet se djegia e gomave dhe bllokimi i rrugëve është një traditë e zakonshme në vend kur festohet një martesë.

Sipas ministrisë grupi i miqve kishte deklaruar se “emocionet e dasmës” kishin bërë që ata të kryenin veprime të tilla.