Ky fshat i Podujevës po bëhet me shkollë të re
Komuna e Podujevës ka publikuar kontratën për ndërtimin e shkollës së re në Dumosh të Podujevës.
Sipas njoftimit, shuma për ndërtimin e këtij projekti kap shifrat e 562 mijë eurove.
Edhe pse komuna kishte parashikuar t’i shpenzojë vetëm 400 mijë, e njëjta i ka dhënë edhe mbi 160 mijë euro për ndërtimin e kësaj shkolle në fshatin Dumosh.
Tenderin për këtë projekt e ka fituar “Konstruktori Ing.1969 Sh.p.k”.
Duhet theksuar se komuna ka planifikuar këtë vit ndërtimin edhe të disa shkollave tjera në Podujevë.
