Emocionuese: Humbi djalin 22 vjeçar në aksident (VIDEO)

Në emisionin STUDIO A në ATV, u tregua historia e një gruaje, jeta e së cilës ndryshoi tragjikisht kur humbi djalin e saj 22-vjeçar në një aksident me motor.

Rrëfimi emocional i Sabina Karisik në këtë emision, do të shërbejë si forcë për shumë nëna të tjera që janë përballur me eksperienca të ngjashme.

“Prej kur ka ndodh rasti, ditën e parë jam mundu, edhe pse ka qenë shumë vështirë me u vesh mirë, me qendru e fortë se e di që ai gjithmonë e ka pasur këtë dëshirë që unë me qenë e fortë dhe po mundohem me e vazhdu dëshirën e tij. Ndoshta dikush është çuditur në ditët e para, ndoshta edhe më vonë, por unë në çdo moment, çdo sekondë, e kam Emirin në kokë. E di çka ka pasur ai dëshirë me ba unë, çka ka pasur ai dëshirë qysh e vazhdojmë ne jetën më tutje. Nganjëherë po e vazhdoj mirë, por nganjëherë po ndihem edhe e dobët”, rrëfen ajo.

Sabiana tregon se në fëmijërinë e tij, Emiri ishte shumë energjik, andaj me sugjerimin e mësueses, vendosën ta regjistronin në sportin e karatesë, në mënyrë që atë energji ta shkarkojë diku.

“Emiri ka qenë një fëmijë shumë i gjallë derisa ka qenë fëmijë, bile edhe në shkollën fillore, mësuesja e tij Ikballja, shpesh me thirrke të më tregojë që Emiri po bën probleme, që është i gjallë, por me kohë edhe mësuesja e tij e kuptoi natyrën e tij dhe unë më shumë u merresha me atë, mandej e angazhoja në karate, sepse ai kishte shumë energji”, rrëfen ajo.

Duke rrëfyer momentin më të vështirë në jetën e saj, me lot në sy, Sabiana tregon se ditën që e pa djalin e saj të vdekur, ajo e thërriste “çohu”, sepse nuk e besonte dot që ai tashmë kishte ndërruar jetë./atvlive.tv