Arrestohen 3 persona në këtë fshat të Podujevës
Katër persona kanë mbetur të lënduar si pasojë e gjuajtjes me armë zjarri në fshatin Sibovc të Komunës së Podujevës.
Në njoftimin e Policisë së Kosovës bëhet e ditur se 3 persona janë shoqëruar në stacionin policor.
Njoftimi nga Policia:
Sot rreth orës 11:30, kemi marrë informatën për gjuajtje me armë zjarri, në fshatin Sibovc të Podujevës
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.
Bazuar në të dhënat fillestare, në këtë rast janë lënduar katër persona, prej tyre dy kanë pësuar lëndime nga arma e zjarrit.
Hetuesit policor në koordinim me prokurorinë, po ndërmarrin veprimet hetimore, deri tani në stacion policor, kanë shoqëruar tre persona të përfshirë në rast, si dhe është sekuestruar një armë zjarri.
