Edi Rama kritikon Kurtin për aksionin në veri
Kryeministri shqiptar, Edi Rama i është bashkangjitur thirrjes së ShBA-së për aksionin policor në veri.
Ai përmes një cicërime në rrjetin social “Twitter” ka pyetur nëse situata e sotme ndihmon afrimin e shteteve drejt paqes së përhershme, përcjell lajmi.net.
Rama vijoi duke dhënë edhe përgjigje. Sipas tij, me siguri që jo, duke parë faktin se vet faktori ndërkombëtar, me Shtetet e Bashkuara të Amerikës në veçanti, po e kundërshtojnë këtë veprim të autoriteteve policore në vendin tonë.
Më poshtë edhe cicërima e plotë e shefit të qeverisë shqiptare.
A e ndihmon kjo që po ndodh në Kosovë procesin ku janë angazhuar të tërë miqtë e mëdhenj të Kosovës e të shqiptarëve, për normalizim dhe njohje të ndërsjellë mes Kosovës dhe Serbisë?! Me siguri jo përderisa vetë miqtë tanë më të mëdhenj shprehen thellësisht të shqetësuar!
— Edi Rama (@ediramaal) May 26, 2023
