E rëndë: Një grua tenton t’i jap fund jetës duke u varur

Vetëvrasja është fenomen shqetësues në rritje në shoqërinë tonë. Kushtet e jetesës, rrethanat ekonomike, depresioni, e problemet të ndryshme familjare shpesh janë vlerësuar shkaktarë që kanë çuar drejt vetëvrasjes e tentimit për ta kryer këtë akt. Familjet janë ato që i përjetojnë jashtëzakonisht rëndë këto raste, sidomos kur viktimat janë të moshave të reja, raporton Gazeta Sinjali.

Një rast i tillë dhe mjaft i rënë ka ndodhur së fundmi në një familje në Temeqinë të Malishevës, ku një grua ka tentuar t’i jap fund jetës duke u varur në litar në shtëpinë e saj.

Viktima është dërguar me urgjencë në spitalin rajonal e më pas në QKUK, ku po merr trajtim mjekësor dhe fatkeqësisht gjendja e saj shëndetësore është e rëndë.

Kështu kanë bërë të ditur burimet e Gazetës Sinjali brenda Emergjencës dhe kanë njoftuar se tashmë Policia është në dijeni për rastin.

Njësitë përkatëse policore kanë dalë në vendin e ngjarjes, ku janë marrë informacionet e para nga familjarët e viktimës.

Me urdhër të Prokurorit të Shtetit, rasti është iniciuar ‘Vetëvrasje në tentativë’ dhe kanë nisur hetimet që zbardhin motivet dhe rrethanat e rastit.