ZYRTARE: Messi largohet nga PSG
Messi tashmë edhe zyrtarisht ka vendosur të largohet nga PSG.
Lajmi u bë i ditur sot gjatë ditës nga trajneri i PSG, Galtier. Ai tha se ndeshja e ardhshme do të jetë e fundit për Messin me fanellën e Parisit.
Ende nuk dihet se cila do të jetë e ardhmja e Messit. Ai ka një ofertë nga Arabia Saudite me një pagë rreth 1 miliardë euro, por nëse La Liga e lejon Barcelonën, ata do të bëjnë një ofertë për argjentinasin.
Gjithçka do të varet nga La Liga, sepse mes Al-Hilal dhe Barcelonës, Messi dëshiron të kthehet te Barcelona. Një ndikim të madh në dëshirën e tij për tu kthyer te Barcelona e kanë edhe fëmijët e tij së bashku me gruan, të cilët kanë dëshirë që të kthehen të jetojnë në Spanjë.
Babai i Messit, Jorge Messi i cili është edhe menaxher i tij, ka pasë disa diskutime me La Ligan dhe ka dhënë afat 10 ditë nëse do ta lejojnë Messin të transferohet te Barcelona, përndryshe ai do të shkojë në Arabinë Saudite.
Gjatë ditës së djeshme ishin të gjithë gazetarët spanjollë që thanë se Messi nuk do të transferohet te Barcelona, por vetëm gazetari më i besueshëm katalunas, Gerard Romero tha se gjasat janë 80% që Messi të kthehet te Barça.
Kujtojmë që për Messin klubi i zemrës mbetet Barcelona, pasi ai fitoi çmimin e Sportistit të Vitit dhe në një deklaratë rreth 5 minuta, ai përmendi vetëm Barcelonën dhe Argjentinën, por asnjëherë Parisin.
