Përurohet biblioteka e re e qytetit në Podujevë

Sot është përuruar biblioteka e re e qytetit, në Podujevë.

Kështu ka bërë të ditur, kryetari i Podujevës, Shpejtim Bulliqi me anë të një postimi.

“Në ditën ndërkombëtare të fëmijeve bashkë më kolegë nga ekzekutivi, mësimdhënës, nxënës dhe zyrtarë tjerë komunal përuram bibliotekën e re të qytetit, një hapësirë moderne dhe e këndshme për të gjithë lexuesit”, ka thënë kryetari Bulliqi.

Më poshtë postimi i plotë:

Përuruam bibliotekën e re të qytetit 

Në ditën ndërkombëtare të fëmijeve bashkë më kolegë nga ekzekutivi, mësimdhënës, nxënës dhe zyrtarë tjerë komunal përuram bibliotekën e re të qytetit, një hapësirë moderne dhe e këndshme për të gjithë lexuesit. 

Biblioteka e re përbëhet nga katër kënde të furnizuara me libra, këndi i parë i dedikohet gjuhëve të huaja, këndi i dytë i dedikohet rilindjes kombëtare dhe historisë kombëtare, këndi i tretë është hapësirë e cila i dedikohet për lexim fëmijëve dhe këndi i katërt është salla kryesore e leximit për të rritur. Biblioteka posedon edhe sallën kryesore për lexim me kapacitet mbi 50 lexues. 

Gjatë vizitës në hapësirat e bibliotekës në këndin për lexim për fëmijët, shfrytëzova rastin që fëmijëve të pranishëm t’iu lexoj një përrallë, ku bashkërisht qeshëm dhe u argëtuam shumë. 
Urime lexuesve hapësirat e reja të bibliotekës – i gëzofshi!