Tejkaloi shpejtësinë, dënohet 300 euro

Policia në Gjilan i ka shqiptuar gjobë një qytetari në vlerë të 300 eurove për shkak se e kishte tejkaluar shpejtësinë.

Personi në fjalë ishte duke vozitur 126 kilometra në orë në zonën ku shpejtësia e lejuar ishte 50 kilometra në orë.

Sipas policisë, me këtë veprim ai ka rrezikuar pjesëmarrësit e tjerë në komunikacion dhe ka rënë ndeshë me rregullat e komunikacionit rrugor.

“Njësiti rajonal i komunikacionit rrugor Gjilan ndaj kundërvajtësit ka shqiptuar gjobë në vlerë prej 300 eurove, dhe masën mbrojtëse në afat prej tre muaj”, thuhet në njoftim./Klankosova.tv