Kërcet grushti në burg: Rrahet 31 vjeçari

Përleshjet mes të burgosurve në qendrat korrektuese në vendin tonë nuk janë edhe aq të rralla. Raste të tilla e incidente të tjera, siç është ikja e të dënuarve janë goxha të shpeshta, sidomos në Burgun e Dubravës, raporton Gazeta Sinjali.

Një përleshje ka ndodhur edhe dje, ku janë përfshirë dy persona të cilët vuajnë dënimin me burgim në Qendrën Korrektuese në Dubravë.

Sinjali mëson se palët kishin pasur mosmarrëveshje mes vete pasi njëri prej tyre ishte transferuar nga një pavijon në tjetrin.

Viktima ka marrë lëndime trupore dhe ka pranuar tretman mjekësor, ndërkohë që palët kanë dhënë dëshmitë e tyre lidhur me rastin.

Lidhur me rastin është vënë në dijeni edhe Prokurori i Shtetit, i cili ka urdhëruar të iniciohet rasti si “Lëndim i lehtë trupor”.