Incident kriminal në Sfeqël të Podujevës

Një incident i rëndë ka ndodhur në orët e para të mëngjesit, ku është përdorur një mjet i rrezikshëm ndaj një shtëpie, duke shkaktuar shqetësim dhe pasiguri tek banorët e zonës.

Sipas raportit të policisë, rasti ka ndodhur në fshatin Sfeqël të Podujevës, ku persona të panjohur dyshohet se kanë hedhur një mjet shpërthyes në shtëpinë e një gruaje kosovare.

Pas raportimit të rastit, në vendin e ngjarjes kanë dalë njësitë përkatëse policore të cilat kanë kryer veprimet e nevojshme hetimore dhe kanë siguruar zonën.

Lidhur me këtë rast është njoftuar edhe prokurori, ndërsa hetimet janë duke vazhduar për identifikimin dhe kapjen e personave të dyshuar. /PodujevaSot