E rëndë: Ky është personi që përfundoi në intensivë si pasojë e kontaktit me rrymë

Familja Kolgjeraj nga Peja po përjeton një rast të rëndë. Kryefamiljari i tyre, pronari i “Prima Pizza”, Lleshi, i njohur si mjeshtri i picave, ndodhet në gjendje kritike në Spitalin Rajonal të Pejës. Ai pësoi plagë të rënda për shkak të kontaktit me rrymën, raporton Gazeta Sinjali. 

Burimet brenda Emergjencës kanë bërë me dije se Llesh Kolgjeraj, u pranua në këtë qendër në orët e mbrëmjes të së enjtes dhe gjendja e tij shëndetësore ishte mjaft e rëndë.

Sinjali mëson se për shkak të lëndimeve të rënda, Kolgjeraj, po  vazhdon të trajtohet në kujdesin intensiv në Spitalin e Pejës.

“Pacienti ka ardhur në gjendje të rëndë. Për rreth një orë e kemi reanimuar dhe kemi arritur t’ia kthejmë ritmin. Pra pas një maratone të reanimimit kardiopulmonar. E kemi referu në repartin intensiv ku ndodhet i intubuar”, tha Ibraj.