Reshje të mëdha të shiut (VIDEO)
Një stuhi e fuqishme ka kapluar Rahovecin, ku ka pushtuar disa zona në këtë qytet tash e disa orë, raporton Sinjali.
Erërat e fuqishme deri më tani nuk raportohet se kanë shkaktuar dëme materiale.
Por, në pamjet e publikuara pak qaste më parë nga Mateo Ballkani, bëhet e ditur se reshjet e mëdha të shiut kanë vërshuar disa rrugë të qytetit.
Gjithashtu, nga Rahoveci qytetarët bëjnë të ditur se rrebeshi shumë intensiv ka shkaktuar vërshime të shpejta.
Instituti Hidrometeorologjik i Kosovës (IHMK) ka bërë të ditur se fundjava do përcillet me mot dinamik- reshje e rrufe, më intensive gjatë ditës së diele.
