Haxhiu i thotë Kurtit mashtrues

Deputeti i PDK-së, Bekim Haxhiu, e ka quajtur ”mashtrues” kryeministrin e Kosovës, Albin Kurtin, për siç thotë kauzën e tij të rrejshme për bashkimin kombëtar.

Sipas Haxhiut, Kurti me të ardhë në pushtet, refuzoi ta takojë edhe kryeministrin e Shqipërisë, Edi Ramën, të cilit i vendosi edhe kushte, transmeton klankosova.tv.

” ”Erdhi Dita” që kryeministri i Kosovës mos të takohet me kryeministrin e Shqipërisë!!!

Pikërisht mbi kauzën e tij të rrejshme, “bashkimin kombëtar”,  mashtruesi Albin Kurti erdhi në pushtet, ndërsa sot refuzon ta takojë kryeministrin e Shqipërisë, duke i vënë kushte, a në anën tjetër takohet me Vuçiqin pa kushte.

Veprimet e Kurtit janë antikombëtare, inatçore, naive, janë “shizofreni” politike!”.

Këtë reagim, Haxhiu e bëri përmes facebook-ut, ndërsa edhe atë e shoqëroi me fotografi të ish-liderëve, Hashim Thaçit e Kadri Veselit.

Të dy shihen të shoqëruar në takime të ndara nga kryeministri shqiptar, Edi Rama, për realcionet e të cilëve mes vete flet edhe momenti i shkrepjes së fotografive.