A po ia rrezikon transferimin Roques te Barça, skuadra e PSG-së?
Skuadra franceze, Paris Saint – Germain kanë dërguar një ofertë te klubi brazilian, Athletic për sulmuesin e tyre 18 vjeçar, Vitor Roque.
18 vjeçari llogaritet si njëri nga talentët më të mirë në botë dhe PSG është e gatshme të paguajë 10 milionë euro në sezonë për të.
Nga ana tjetër, Barcelona po paguajnë vetëm 3.5 milionë për Roquen.
Por çështja e pagës nuk do të ndikojë në këtë trasnferim. 18 vjeçari ka vendosur të luajë te Barcelona dhe zyrtarizimi i tij do të bëhet së shpejti.
Nëse largohen disa lojtarë nga Barcelona, ai do të transferohet këtë verë, ndërsa nëse nuk ka largime, Roque trasnferohet në janar.
Kujtojmë që për shkak të gjendjes financiare, Barcelonës i ‘iku’ nga duart talenti turk, Arda Guler, i cili u zyrtarizua te Reali i Madridit.
